Banerlər
Xəbərlər

 

AZƏRBAYCAN BOKSÇUSU RƏŞİD HƏSƏNOV AVROPA ÇEMPİONATINA QƏLƏBƏ İLƏ BAŞLAYIB

Bolqarıstanın paytaxtı Sofiyada gənc boksçular arasında Avropa çempionatına start verilib. İlk yarış günündə Azərbaycan millisinin 4 üzvü rinqə çıxıb.

Komandamızın heyətində Rəşid Həsənov qitə birinciliyinə qələbə ilə başlayıb. Çempionatda 64 kiloqram çəki dərəcəsində qüvvəsini sınayan boksçumuz Simon Vollmerlə (Almaniya) döyüşdən qalib ayrılıb – 4:1. O, 1/8 finalda ilk mərhələdən azad olan isveçli Hampus Bromanla üz-üzə gələcək. Bu qarşılaşma sentyabrın 8-də baş tutacaq.

R.Həsənovdan fərqli, Maqsud Xasmetov (52 kq) türkiyəli Samet Gümüşə, Eldar Babayev (60 kq) irlandiyalı Killian Kartiyə və Səlim Səlimov (69 kq) isə uelsli Qaran Qrofta məğlub olub.

Sentyabrın 5-də mübarizəyə daha 4 boksçumuz qoşulacaq. İqor Platov (75 kq) Valeri Razmeritanı (Moldova), Ruslan Qədirov (49 kq) Uiliam Hevitti (İngiltərə), Murad Allahverdiyev (81 kq) Stoil Stanoyevu (Belarus) və Fuad Cəfərov (91 kq-dan yuxarı) Viçenzo Fiasçettini (İtaliya) sınağa çəkəcək.

BAKI. 05.09.2019. AzerTAc.


Saytda yeni
Valyuta məzənnəsi
ABŞ dolları
1.7000
Avro
1.8592
Rusiya rublu
0.0263
Hava proqnozu
+24°
 / +17°
Bakı
Qalereya
Layihə haqqında   |   Məktub yazmaq
© www.azerbaijan.az 2010